霧眉 飄眉 分別 — 點揀適合自己？
好多客人嚟到第一句就問：「霧眉同飄眉到底有咩分別？我應該做邊種？」呢篇一次過講清楚兩者嘅效果、適合對象、維持時間同價錢分別，幫你快速判斷邊種適合你。
霧眉係咩？
霧眉係用霧化手法將色乳均勻植入皮膚表層，做出柔和漸層嘅效果，睇落好似用眉粉輕輕掃過咁，係一種「妝感」效果。霧眉適合想省妝容時間、鍾意淡妝感、或者眉毛顏色不均嘅人。
飄眉係咩？
飄眉就係逐根繡出仿真毛流線條，每一筆都模仿真眉毛嘅生長方向，近睇都好似真毛。飄眉適合眉毛稀疏、斷眉、或者追求最自然「唔似做過」效果嘅人。
霧眉 飄眉 效果分別
簡單一句總結：霧眉似「眉粉」，飄眉似「真毛」。
- ✦霧眉：成片柔和漸層，遠睇近睇都係淡妝感
- ✦飄眉：一根根線條，最似原生眉毛
- ✦混合式「飄霧眉」：底霧打底加毛流線條，最立體自然 — 亦係最多客人揀嘅做法
邊種適合我？
皮膚油、毛孔明顯嘅人，飄眉線條會暈開得快，建議揀霧眉或者飄霧混合；皮膚乾、毛孔細就可以做飄眉，線條keep得耐。年紀較大或眉毛全無嘅人，霧眉打底會更自然。
最緊要係面型同個人風格 — 呢啲要見真人先判斷到。Like Me Jan 提供免費一對一諮詢，會按你嘅面型輪廓、膚質同日常妝容習慣建議最適合嘅方案。
維持時間同價錢
兩者都可以維持約 1 至 3 年，視乎膚質同保養。霧眉喺油性皮膚上通常keep得比飄眉耐。價錢方面兩者相近，詳細可以睇我哋嘅價目表。