飄眉多久會掉？
「飄眉會唔會掉？幾耐掉一次？」係客人最常問嘅問題之一。簡短答案：飄眉唔會「成條掉出嚟」，而係隨住皮膚代謝慢慢變淡，一般 1 至 3 年。以下係詳細時間表。
飄眉褪色時間表
由做完嗰日起，飄眉會經過幾個階段:
- ✦第 1-7 日：結痂期，顏色睇落深，痂皮脫落時會帶走部分色乳 — 呢個係正常
- ✦第 2-4 星期：返色期，顏色會「返出嚟」，睇落自然返
- ✦第 4-6 星期：穩定期，呢個時候嘅效果就係最終效果
- ✦之後 1-3 年：隨新陳代謝漸進變淡，唔會突然消失
點解飄眉會褪色？
因為飄眉嘅色乳只植入皮膚表層，而皮膚本身會不斷更新 — 表皮細胞約 28 日換一次，色乳粒子會慢慢被代謝走。呢個亦正正係「半永久」嘅意義：唔會似舊式紋眉咁變青變藍永留喺面上。
幾耐需要補色？
首次做完 4 至 6 星期返嚟檢查，通常會做一次補色填補代謝流失。之後視乎個人膚質，一般 1 至 2 年補一次就夠。
延長飄眉持久度5個貼士
想啲線條keep得耐，做足以下五樣:
- ✦術後7日內唔好濕水過久、唔好蒸桑拿
- ✦千祈唔好用手撕痂 — 撕走嘅係色乳
- ✦日日防曬，紫外線係褪色頭號殺手
- ✦眉位避免用磨砂、果酸、去角質產品
- ✦返色期前唔好用眉部彩妝品